• TJOPSKASSEROL MET MACARONI - Driekie van Blerk
• (beproef)
• 
  6 skaapboudtjops
  sout en peper na smaak
  bietjie koekmeelblom
  250 ml water
  75 ml tamatiesous
  25 ml worcestersous
  25 ml asyn
  5 ml suiker
  250 ml macaroni
  1 ui gerasper
  bietjie gerasperde Cheddar kaas
  
  Voorverhit oond by 180 grade. Smeer groot oondkasserol met 'n deksel of bespuit met kleefwerende middel.
  
  Geur tjops met sout en peper en rol in koekmeelblom totdat heel bedek. Plaas hulle langs mekaar in die kasserol.
  
  Meng die water, tamatiesous, worcestersous en asyn saam. Gooi dit oor die tjops. Strooi die suiker bo-oor, sit die deksel op en bak vir 90 minute.
  
  Kook macaroni en ui saam in soutwater tot macaroni sag is. Skep die macaroni op die gaar tjops en strooi kaas oor. Plaas kasserol terug in oond en bak sonder deksel tot die macaroni begin verbruin.
  

Foto:  Rina Shorty

LAM SHANKS - Rina Shorty
(beproef)
 
4 lam shanks
sout en swart gemaalde peper
2 eetlepel olie
2 groot uie
4 knoffel
500 ml rooi wyn
1 blik tamaties
375 ml water
375 ml bees aftreksel
2 eetlepels vars roosmaryn
1 teelepel vars tiemie

1. Geur vleis en braai bruin.
2. Skep uit en braai uie en knoffel.
3. Voeg res van bestanddele by. Kook paar minute. 
4. Plaas vleis in toe oond skottel, gooi sous oor.
5. Bedek met deksel of tinfoil.
6. Bak vir 2- 3 ure by 180°C tot sag.
7. Maak laaste 20 minute oop.
8. Kook sous tot dik of  verdik met bietjie maizina.

---

WATERBLOMMETJIES - Rina Shorty
(beproef)
 
1 kg  lam skenkel en rib
50 ml olie 
2 uie gekerf
2 huisies knoffel
250 ml witwyn
250 ml aftreksel of water
sout en witpeper
sap en skil van 1 suurlemoen
4 aartappels
500 gram waterblomme
 
1. Braai uie en knoffel.
2. Voeg vleis, wyn, aftreksel by en kook stadig tot sag.
3. Voeg aartappels, waterblommetjies, sout en peper en skil en sap by.
4. Kook tot sag, bedien met rys.
Foto:  Rina Shorty

---